张敬轩

hinscheung

✨尋日好開心喺Landmark嘅 @LoroPiana 100週年期間限定店見到各位, 數下手指原來都有成廿日冇蒲過頭, 放完假係肥咗少少, 不過好彩有靚衫著令到我有返啲型😌 尋日嘅期間限定店展示咗品牌的核心價值，從精湛工藝工具、專屬纖維同面料到經典符號，每一個細節都體現緊品牌嘅歷史底蘊，透過呢一啲精心設計嘅展品能夠一窺 Loro Piana 數十年嚟積累嘅織品傳統，感受六代傳承嘅精湛技藝同不變嘅熱情。喺我尋日同大家見面嘅嗰一個巨大嘅書架，係天然橡木書架同復古綠色面料封面嘅資料夾，靈感源自 Loro Piana 嘅歷史檔案。而喺限定店裏面嘅牆上, 仲掛著品牌經典嘅黑白照片同舊時宣傳廣告。 而喺限定店裏面店仲設置咗互動裝置，大家可以透過視覺與觸覺親自感受品牌百年來的工藝傳承添😎 由於Loro Piana大量運用如「The Gift of Kings®」國王的禮物」、「Vicuña」駱馬毛與「Baby Cashmere」小山羊絨等頂級面料，加上冇明顯Logo設計、款式更加唔會隨季節退流行、高品質等特色, 令Loro Piana唔單止享有羊絨之王嘅美名，更加成為Quiet Luruxy風潮嘅舵手之一。Loro Piana近年亦都同時積極創新、拓闊風格面向，例如舊年我都參與過嘅結合咗石墨烯嘅Into The Wild膠囊系列, Loro Piana就推出咗郊外露營嘅斗篷、漁夫帽、吊床、登山鞋以接軌戶外風潮，甚至將羊絨結合牛仔布，冠軍工裝領域、翻轉階級意識。 其實我自己以往穿著亞麻類嘅衣物有時會覺得好硬身, 舒適感唔夠，但我尋日身上嘅呢一件Roadster Jacket, 品牌喺亞麻材料之中加入了蘆薈, 令我第一次感覺到麻質嘅外套原來可以咁親膚, 而我嘅呢件外套亦都係2025春夏嘅重點單品。 我仲好榮幸可以同女神Kelly、男神Eric一齊同大家展示品牌的三大經典外套Roadster、Traveller同Spagna，我哋嘅外套設計完完全全咁樣體現咗Loro Piana對帆船、古董車、馬術、滑雪等運動嘅熱情，所以帶來咗結合機能同舒適嘅多樣化穿搭方案。大家都快啲一齊嚟感受下喇🫶🏻 最後同場加影有畀我耳濡目染而愛上 Loro Piana、更成為VIC嘅我老友麟B @iuhnelag 😎 @loropiana #LoroPiana

02.21 22:05

张敬轩 的更多帖子