黄伟文

黄伟文

concertyy

. 本來還十分期待和他一年兩度在巴黎時裝週短聚吃飯。 結果他決定今次「留港宣傳」新歌。 加油啦 Jeffrey 前輩！ 《 白色踢死兔 》 6月24日上架 #呢首我都好期待因為小朋友又嘗試新曲風

06.23 21:44

黄伟文 的更多帖子

. 係咪應該係時候許個願，如果呢首歌點點點點 ⋯⋯ 我就自己做一次「令山轉」？😆 因為老老實實，紙巾嗰場我真係冇本事學。 Repost @pix9you
. 終於明白點解 Magritte 畫嘅藍天白雲 靚到超現實 比利時個天靚起上嚟，原來可以咁
. Just happy . 分享吓，無他。
. 先去比利時chill 幾日。 然後先落巴黎時裝週搏命。 入電話亭變超人前影一張。 #我知我知呢張相影唔到比利時
. 呢幾日聽到唔同嘅人喺網上自發性 cover 嘅 《 用背脊唱情歌 》 ，不斷令我諗返起 1998 年嘅 《 垃圾 》。 因為有個心水清朋友早排忽然（冇頭冇尾咁）同我講：呢首歌當年喺6個月之內嘅cover version 數量之多，應該係一個紀錄（當年仲未有互聯網同social media 㗎吓）。 講起又好似有少少印象。 ⋯⋯ 過咗兩日，呢個 post 就彈咗出嚟。好邪！ （ 可以嘅話，記得買飛去睇 @candynurilum 盧巧音澳洲演唱會。） #實不相瞞呢首歌喺我人生最唔開心嗰年都陪咗我好耐
. 收到 demo，落筆之前，本來想問佢哋：「成團 20 年，到咗而家，最想做啲乜嘢？」 後來時間緊迫，決定唔問，因為將心比己，無論過咗幾多日子，最想做好嘅，始終都係「基本嘢」。 唔係，唔單止係「基本嘢」，仲應該保持住一份「野」！ @dearjaneofficial 20專輯 新歌 《 基本野 》 6月18號 毋忘撒野
. 倫敦呢間港式漢堡包店，幾好食！ 首先，不但只冇收廣告費，呢餐亦唔准店主免費請我食，係我自己真金白銀去支持。 利申：我完全唔識個老闆/大廚嘅，亦都唔係朋友嘅朋友之類嗰啲，真係真心覺得佢幾好味，所以喺度介紹吓，希望香港人幫吓香港人。 通常嚟講，好地地一個漢堡包，係都要加啲「香港特色」，其實好容易瀨嘢，結果會係「幾得意吖但又唔係特別加分」咗嗰種，但佢加得啱啱好，做啱晒嘢，係有提升到個 burger 嘅（嗱，我唔係咩 foodie ，只係普通食客，我嘅睇法只係我嘅睇法，信唔信你自己諗過先。） 地點近 Tower Bridge ，但係南岸靠東，即係冇咁繁榮嗰邊，唔係大街有少少蝕底，有心人要用少少時間搵，但亦唔算太難嘅。 @burger.byowenese （逢星期一休息） 1-2 ： 梅菜扣肉 burger 3 ： 店面 4-5 ：咖喱雞漢堡 6-7 ：Homemade 炸蘿蔔糕 8 ：港式奶茶+檸檬茶沙冰 9 : 食後感 10 ： 認住個招牌 #免費廣告 #支持香港人小店 #細間始終你好
. 相信一切都是當時最好（ 或者唯一 ）的的選擇，所以本人天生不具備後悔的體質。 今生唯一最接近「後悔」的是，在還餘下足夠陪伴日子和精神體力時，沒有選擇做爸爸。（不過那個時候，menu上其實也沒有這個選項。） 但愛，還是可以留來對朋友甚至陌生人的孩子好吧。 於是，沒有當上父親的我，在今年的父親節，預備了一個小禮物。 送給你已經/還未出生的，和你心裏面的，小朋友。 祝我父親節快樂♥️ 《 但你要甜 》 今晚午夜上綫。 @yungchoyee #咁啱又可以賀埋祖兒姐姐生日
. 無端白事，真係無端白事，諗起一個問題：「究竟我呢世人，著得多唔多金色？」 於是戚起條筋，摷返過去十幾年嘅每日一相（係！由 2009 年 40 歲生日嗰日開始😊，日日有影，風雨不改，但疫情嗰幾年成日都冇出街，被迫只能夠要影吓停吓）。 「驚人發現」係，百無禁忌乜都夠膽死如我，呢世人原來居然唔係著咗好多金色（我仲以為自己會多啲𠻹）。 全金少之又少，呢批相已經係嗰啲著得「比較金」嘅日子。 忽發奇想，不如叫教主搞返個國際「你都有金日」dress code party ，大家一齊玩一鑊金嘅， 有冇得諗？ @ansonlht #呢批相係橫跨咗十年由2009年到2019年 #19年之後真係好似冇著過金色 #今年真係要金一金佢 #介紹返最尾嗰套泰國裝其實係金鴨SSS嘅劇照
『关注公众号 instome 解锁更多功能』

微信扫描二维码登录