方力申

alexfongliksun

當年好彩我老友Mike哥介紹James同佢一班喜歡游Open water 嘅朋友比我識，我先至會喺環島泳前兩個月開始落海訓練，先至發現唔係有水就邊度都一樣，原來游海係需有更多經驗嘅。多謝當期時由Edie帶領嘅一班兄弟姊妹，冇嗰兩個月嘅訓練，我相信我未必可以咁順利完成，甚至完成唔到添。今日Edie叫返我哋游過solo環島泳嘅finishers去到淺水灣呢間每次我哋出海返嚟hea嘅咖啡店。餐廳同意擺放我哋呢個所謂英雄榜喺舖頭入面，大家有機會就嚟睇吓喇，今日仲差個超人Mayank未能出席，留咗兩個位比佢，冇錯佢游咗兩次，佢仲唔止游咁簡單。最後一定要再多謝當年有支持我，有捐錢嘅你哋，我最自豪嘅唔係我游完破紀錄，而係因為你哋嘅善心，令我呢個45公里香港環島泳挑戰成功籌得港幣一千零五十萬元，讓缺超過一百萬居民從此得到乾淨食水，改變生活。 多謝大家。 #swimwithintegrityandmeaning #itsawonderfonglife #hkswimmingacademy #adropoflife #alexstrivesforwater #hk360 #香港游泳學校

03.30 13:23

方力申 的更多帖子